نيللي كريم تكشف عن أصعب الشخصيات التي قدمتها في "بـ100 وش"

أعربت الفنانة المصرية نيللي كريم، عن سعادتها بردود الأفعال التي تلقتها من الجمهور، بسبب مسلسل “بـ100 وش”، الذي عرض رمضان الماضي، وكشفت عن أصعب الشخصيات التي جسدتها خلال العمل، فقالت خلال لقائها مع أبطال بـ100 وش في برنامج “معكم” مع الإعلامية منى الشاذلي:” أنا حبيت كل الشخصيات اللي عملتها، ولكن أصعب شخصية كانت الست الكبيرة في السن عشان كان ماسك كامل غير لما يتركب مناخير بس، فكان صعب من ناحية المكياج بس كاملة أبو ذكري شافتني ست كبيرة كيوت أوي، أنا الشخصية اللي حبتها أوي كانت الست الخليجية”.

وأضافت: “الحمد لله إن كل حاجة عدت تمام لأن كمان كنا بنصور وقت كورونا ونازلين من البيت وراجعين تاني ومش عارفين هيحصلنا إيه، خاصة أن في مشاهد كان لازم نبقى جنب بعض ولو واحد جاله كورونا يبقى خلاص الدنيا باظت بس الحمد لله كل حاجة عدت بسلام”.

كما بكت نيللي، بعدما تحدث عنها أبطال العمل في البرنامج، حيث قالت: “أنا ربنا بيحبني فعلًا عايزه أشكره، حظي حلو عشان الناس اللي بشتغل معاهم، أستاذ جمال العدل سبب نجاحات كتير في حياتي، بيبقى قلبه عليا، كل سنة بقوله مش عايزه أشتغل، حظي حلو أني قابلت ست جميلة مبدعة اسمها كاملة أبو ذكري”.

 واستكملت: “بـ100 وش كان بالنسبة لي تجربة ورحلة مختلفة، ومن قلبي حبيت كل شخص موجود، وسعيدة جدًا إن أنا اشتعلت معاهم، كل واحد كنت بحبه وبقلق عليه، طول الوقت كنت عايزه العمل يطلع بأحلى صورة ويبقى مرتاح”.  

قد يهمك أيضًا

مصطفى قمر يؤكّد أن أغنية "منايا" سبقت كريستوفر نولان وفيلمه "تينيت" بـ20 سنة

حنان مطاوع توضّح سعادتها بردود أفعال جمهورها على مسلسل "أمل حياتي"