لقاء الخميسي ترفض "قتل الحيوانات" وريهام سعيد ترد "إحنا مش برنامج أطفال"

هاجمت الإعلامية المصرية ريهام سعيد، مواطنتها الفنانة لقاء الخميسي، بسبب انتقادها الحلقة الثالثة من برنامج "صبايا الخير" المثيرة للجدل، والتي تناولت قضية صيد الحيوانات، وأشعلت غضبا عارما على مواقع التواصل الاجتماعي، ما اضطر القناة إلى حذف الحلقة، والاعتذار للمشاهدين.وأبدت لقاء في منشور لها عبر حسابها في إنستغرام، أرفقته بصورة من الحلقة، رفضها التام للمشاهد التي تضمنتها، والتي لم تحمل أي نوع من الرحمة، وفق وصفها. وقالت: "الرحمة الرحمة الرحمة يا بشر دا مَش مقبول إطلاقًا كفعل ولا إنه يتعرض على الشاشة، الحيوان بيخاف ويتألم، ليه يبقى دا فعل عادي ليه!! علّشان إيه؟! الرحمة يا بشر مع الإنسان ومع الحيوان وكل كائن حي.. الرحمة علينا".ولم تترك الإعلامية ريهام سعيد، منشور لقاء دون الرد عليه، حيث اشتبكت معها، معبرة عن غضبها بقولها خلال التعليقات على الصورة: "نكذب الناس ونوريهم طريقة صيد غلط؟ طب الحمد لله إن احنا اكتشفنا أنهم بيتعذبوا كده وبطلي تلبسي جاكتات بالآلاف عشان يبطلوا يصطادوا الحيوانات دي، وعلى فكرة إنتي بتاكلي حمام وهو بيتضرب بالنار وبتطلعي سمكة من المية وبتشويها وهي بتطلع في الروح وتاكليها وبتدبحي الجاموسة وبتصطادي الفار وبتقفلي المصيدة على ديله، أي طريقة صيد مؤلمة".

وتابعت سعيد: "الإعلام دوره العرض لأي حاجة مهمة بسلبياتها وإيجابياتها، إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه أنك بتشجعي القتل، هو الغريب أني المفروض زميلة وأنك تنتقديني ده غير مسموح وبعدين أنا متأكدة أنك ما اتفرجتيش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا أني عمري ما كنت أعرف أنك مهتمة بالتليفزيون أول مرة أشوفك حاطه بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع".وعادت لقاء لترد بالقول: "أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة وفُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح (لا لتعذيب الحيوان أو أي كائن حي) بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى غير المناسب وغير مقبول لأيًّ من كان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الإنسان".

قد يهمك ايضا :

مريم حسين تعلن حبها لطليقها فيصل الفيصل

استدعاء محمد رمضان للتحقيق بسبب صورته مع فنان إسرائيلي